2GIS hamkori bilan kelishuv (Мuddati tugagan 05.08.24)

Mazkur Kelishuv, quyida ko‘zda tutilgan maqsadlarda 2GIS Servislar orqali Foydalanuvchi taqdim etayotgan ma’lumotlarga Ma’muriyat (https://law.2gis.uz/partners-list, keyingi o‘rinlarda — «Ma’muriyat») tomonidan ishlov berish tartibini belgilab beradi.

Mazkur ofertani so‘zsiz qabul qilinishining sharti bo‘lib (keyingi o‘rinlarda — «Kelishuv»), shaklda muvofiq belgini qo‘yilishi, hamda 2GIS Servislarini qo‘llash bilan shaklni to‘ldirilish va uni yuborilish dalili hisoblanadi.

1. Atamalar va ta’riflar

Mazkur Kelishuvda quyidagi atamalar va ta’riflar, hamda Litsenzion kelishuvda (https://law.2gis.uz/licensing-agreement) va 2GIS Servislardan foydalanish haqida Kelishuvda (https://law.2gis.uz/rules) ta’rif berilgan boshqa atamalar qo‘llaniladi:

• Hamkorning maxfiylik siyosati — http://law.2gis.uz/privacy-partner manzil bo‘yicha Internet tarmog‘ida joylashtirilgan Maxfiylik siyosati.
• Foydalanuvchi — amaldagi qonunchilik va mazkur Kelishuv talablariga muvofiq shaxsiy yoki begona manfaatlarda Ma’muriyat bilan mazkur Kelishuvni tuzgan shaxs.
• Mijoz — ma’lumotlari 2GIS Tashkilotlar ma’lumotnomasida joylashtirilgan yuridik shaxs va/yoki yakka tartibdagi tadbirkor.
• Tashkilotlar ma’lumotnomasi — Ma’muriyat bilan birlashtirilgan Raqamli reja chegaralari bilan mos keluvchi, Ma’muriyat (https://law.2gis.uz/partners-list) faoliyatini amalga oshirayotgan hudud chegarasida joylashgan Mijozlarning nomlanishi, joylashish joyi, telefonlari, elektron pochta va saytlarining manzillari, ishlab chiqariluvchi va savdo qilinuvchi tovarlarining turlari (bajarilayotgan ishlari, ko‘rsatilayotgan xizmatlari) va ular haqidagi boshqa ma’lumotlarni kirituvchi elektron ma’lumotnomaning ma’lumotlar bazasi.
• Raqamli reja — muayyan geografik koordinatlar bilan chegaralangan hudud chegarasida geografik obyektlar va aholi yashash punktlari haqida geoaxborot ma’lumotlarini kirituvchi elektron kartaning ma’lumotlar bazasi.

2. Kelishuv predmeti

2.1. Mazkur Kelishuvning shartlarida Ma’muriyat Tashkilotlar ma’lumotnomasini / Raqamli rejani to‘ldirib borish, 2GIS Servislarini, Tashkilotlar ma’lumotnomasini / Raqamli rejani yaxshilash; hamkorlik munosabatlarini yo‘lga qo‘yish, shartnoma shartlari kimning manfaatlarida amal qilayotgan Foydalanuvchi va/yoki Mijoz bilan uning shartlarini kelishib olish bo‘yicha muzokaralarni olib borish, bunday shartnomalarni tuzish va ularni bajarish maqsadlarida, hamda 2GIS Servislarning funksional imkoniyatlari bilan ko‘zda tutilgan boshqa maqsadlarda Foydalanuvchi tomonidan taqdim etilayotgan ma’lumotlarga ishlov berish mas’uliyatini o‘z zimmasiga oladi.

2.2. Foydalanuvchi tomonidan ma’lumotni yuborish dalili Tashkilotlar ma’lumotnomasi / Raqamli rejaga o‘zgartirishlar kiritish uchun asos hisoblanmaydi: Ma’muriyat Foydalanuvchi tomonidan taqdim etilgan, jumladan e-mail, telefon orqali aloqa yordamida yuborgan ma’lumotlarini qo‘shimcha tekshirilishini tashkillashtirishi mumkin.

2.3. Ma’muriyat va Foydalanuvchi o‘rtasidagi munosabatlar beg‘araz xarakterga ega. Ma’muriyat Foydalanuvchi foydasiga u tomonidan taqdim etilgan ma’lumot evaziga biron bir to‘lovlarni to‘lanishini amalga oshirishga majbur emas.

3. Foydalanuvchining shaxsiy ma’lumotlariga ishlov berilishiga roziligi

3.1. Mazkur Kelishuvni ma’qullab va qo‘llaniluvchi qonunchilik bilan muvofiqlikda harakatlarni amalga oshirib, Foydalanuvchi shaklni to‘ldirishda ixtiyoriy ravishda taqdim etayotgan shaxsiy ma’lumotlari bilan Ma’muriyat tomonidan quyidagi harakatlarni qilishga o‘z roziligini bildiradi: yozish, tizimlashtirish, to‘plash, saqlash, aniqlashtirish (yangilash, o‘zgartirish), ko‘chirib olish, qo‘llash, uzatish (tarqatish, taqdim etish, kirish), egasizlantirish, bloklash, o‘chirib yuborish, tugatish.

4. Kelishuv asosida shaxsiy ma’lumotlarga ishlov berishning maqsadi va muddatlari

4.1. Foydalanuvchilarning shaxsiy ma’lumotlariga ishlov berish, Foydalanuvchi bilan mazkur Kelishuvni tuzish, va uni kelajakda bajarish, xususan, 2GIS Servislari orqali Foydalanuvchi tomonidan taqdim etilgan ma’lumotlarga ishlov berish maqsadlarida, Ma’muriyat tomonidan amalga oshiriladi.

5. Ishlov beriluvchi shaxsiy ma’lumotlarning hajmi

5.1. Mazkur Kelishuvni bajarish doirasida Ma’muriyat Foydalanuvchining shaxsiy ma’lumotlarining quyidagi toifalariga ishlov beradi: familiya, ism, otasining ismi, telefon raqami, elektron pochta manzili, 2GIS Servislarini qo‘llash jarayonida Foydalanuvchi taqdim etayotgan boshqa shaxsiy ma’lumotlar.

6. Ma’muriyat va Foydalanuvchining majburiyatlari

6.1. Ma’muriyat quyidagi majburiyatlarni o‘z zimmasiga oladi:

6.1.1. Foydalanuvchi tomonidan taqdim etilgan ma’lumotlarni, jumladan ularni Tashkilotlar ma’lumotnomasi / Raqamli rejaga kiritish predmetiga ko‘rib chiqish.

6.1.2. mazkur Kelishuvdan va qo‘llaniluvchi qonunchilikning talablarida kelib chiquvchi boshqa majburiyatlarni bajarish.

6.2. Foydalanuvchi quyidagi majburiyatlarni o‘z zimmasiga oladi:

6.2.1. 2GIS Servislaridan oqilona foydalanish.

6.2.2. shaklni to‘ldirishda haqqoniy, to‘g‘ri ma’lumotlarni taqdim etish.

6.2.3. begona ism bilan o‘zini tanitmaslik yoki biron bir uchinchi shaxslar nomidan bayonotlar bermaslik, hamda uchinchi shaxslardan ruxsat olmasdan uchinchi shaxslarning ma’lumotlarini va ularga tegishli bo‘lgan har qanday materiallarni taqdim etmaslik.

6.2.4. shaklga faqat 2GIS Servislarga nisbatan taalluqli bo‘lgan o‘sha ma’lumotlarni kiritish.

6.2.5. mazkur Kelishuvdan va qo‘llaniluvchi qonunchilikning talablarida kelib chiquvchi boshqa majburiyatlarni bajarish.

6.2.6. Litsenzion kelishuv (https://law.2gis.uz/licensing-agreement), 2GIS Servislarini qo‘llash haqida Kelishuv (https://law.2gis.uz/rules) qoidalariga rioya qilish bilan 2GIS Servislarini qo‘llash.

6.3. 2GIS Servislari «boricha» shartlarida Huquqiy voris («DublGIS» MChJ) tomonidan taqdim etiladi, shu munosabat bilan Foydalanuvchiga quyidagi biron bir kafolatlar taqdim etilmaydi: ular Foydalanuvchining talablariga muvofiq bo‘lishi; uzluksiz, tez, ishonchli va xatolarsiz taqdim etilishi; ularni qo‘llash bilan olinishi mumkin bo‘lgan natijalar aniq va ishonchli bo‘lishi; barcha xatoliklar to‘g‘irlanishi.

7. Qo‘llaniluvchi huquq va nizolarni hal qilish

7.1. Mazkur Kelishuv O‘zbekiston Respublikasining amaldagi qonunchiligi bilan muvofiqlikda tuzilgan va tartibga solinadi.

7.2. Mazkur Kelishuv bo‘yicha barcha nizolar Tomonlar uchun majburiy hisoblanuvchi sudgacha shikoyat tartibida birinchi navbatda hal qilinishi kerak. Yozma shikoyatga javob berish muddati, shikoyat olingan paytdan boshlab hisoblanuvchi 30 kalendar kunni tashkil qiladi. Nizoning sudgacha tartibda tartibga solinmasligi holatida, nizo qo‘llaniluvchi qonunchilik bilan o‘rnatilgan tartibda Ma’muriyat joylashish joyi bo‘yicha sudga hal qilish uchun taqdim etilishi mumkin.

8. Boshqa qoidalar

8.1. Mazkur Kelishuv uning Foydalanuvchi tomonidan qabul qilinishi paytidan kuchga kiradi.

8.2. Ma’muriyat bir tomonlama tartibda mazkur Kelishuvni bajarishdan voz kechish haqida Foydalanuvchini biron bir ogohlantirishsiz va Foydalanuvchiga biron bir tovonlarni to‘lamasdan istalgan vaqtda bekor qilish huquqiga ega. Ushbu holatda mazkur Kelishuv bekor qilingan hisoblanadi va Foydalanuvchi tomonidan taqdim etilgan shaxsiy ma’lumotlar qo‘llaniluvchi qonunchilik bilan o‘rnatilgan tartibda yo‘q qilinishi kerak.

8.3. Mazkur Kelishuvning amaldagi tahriri Ma’muriyat saytiga joylashtirilgan va https://law.2gis.uz/partner-agreement manzil bo‘yicha Internet tarmog‘ida erishimlidir.

26.10.2020 y.dan tahrir.