Axborot materiallariga talablar
1. Foydalanuvchi Kontentiga nisbatan umumiy talablar
2GIS servislaridan foydalanish haqidagi Kelishuvda ko‘zda tutilgan holatlarda (http://law.2gis.uz/rules/), Foydalanuvchiga tasvirlarni, matnli, audio- va videomateriallarni, hamda boshqa mualliflik va (yoki) turdosh huquqlarni (Kontentni), jumladan quyidagi Kontentni joylashtirish (jumladan, tashqi manbalardan namoyish qilish), tahrirlash va ularni o‘chirib yuborish imkoniyati taqdim etiladi:
Buklet — yuridik shaxs / yakka tartibdagi tadbirkor (tashkilot)ning profili sahifasi, ular haqidagi ma’lumotlar sotiluvchi tovarlar, ishlar, xizmatlar haqida 2gis.uz saytining Iste’molchilarini xabardor qilish maqsadlari uchun 2gis.uz saytida joylashtiriluvchi tashkilot tomonidan ishlab chiqariluvchi va sotiluvchi tovarlar, u tomonidan ko‘rsatiluvchi xizmatlar yoki bajariluvchi ishlar haqidagi ma’lumotlar bilan muayyan hududda Tashkilotlar ma’lumotnomasida saqlanadi.
Fotosuratlar — Tashkilotlarning Fotosuratlari va obyektlarning Fotosuratlari.
Tashkilotlarning fotosuratlari — Tashkilotlar ma’lumotnomasida mavjud bo‘lgan, tashkilotning profiliga bog‘langan, ma’lumoti Tashkilotlar ma’lumotnomasida saqlanuvchi yuridik shaxs/yakka tartibdagi tadbirkor (tashkilot) faoliyatiga bevosita taalluqli bo‘lgan va tashkilot va u amalga oshirayotgan faoliyat haqida boshqa Foydalanuvchilarni xabardor qilish maqsadlari uchun Foydalanuvchi tomonidan joylashtiriluvchi fotosuratlar.
Obyektlarning fotosuratlari — ma’lumoti 2GIS Mahsulotlarida saqlanuvchi, tabiiy obyekt (ko‘l, daryo va boshqalar) va/yoki odam faoliyati natijasi hisoblanuvchi ob’ektning: bino, imorat, parklar, hiyobonlar, ko‘chalar, boshqa obyektlarning tasvirini fotografik jarayoni natijasida olingan tasvir. Obyektlarning fotosuratlari tabiiy obyekt yoki odam faoliyati natijasi hisoblanuvchi obyekt haqidagi umumiy tasavvurlarni aks ettirishi, joyda orientir olishga yordam berishi kerak.
Sharh — Fotosuratni yuklayotganda Foydalanuvchiga erishimli bo‘lgan maxsus maydonga joylashtiriluvchi Fotosuratga tushuntirish.
Mulohaza — Tashkilotlar ma’lumotnomasida mavjud bo‘lgan va sotiluvchi tovarlar, ishlar, xizmatlar haqida Foydalanuvchilarni xabardor qilish maqsadlari uchun Foydalanuvchi tomonidan joylashtiriluvchi, tashkilotning profiliga bog‘langan, ma’lumoti Tashkilotlar ma’lumotnomasida saqlanuvchi yuridik shaxslar/yakka tartibdagi tadbirkorlar (tashkilotlar) bilan hamkorlik natijasida mijoz tajribasi haqida Foydalanuvchilarning fikr bildirishlari.
Foydalanuvchi Kontenti Internet tarmog‘ida http://law.2gis.uz/rules manzili bo‘yicha joylashtirilgan va/yoki erishimli, 2GIS servislaridan foydalanish haqida Kelishuv bilan ko‘zda tutilgan talablarga, hamda mazkur Talablar bilan o‘rnatilgan talablarga muvofiq kelishi kerak.
2. Foydalanuvchi tomonidan nashr qilinuvchi Fotosuratlarga va Sharhlarga nisbatan talablar
2.1. Foydalanuvchi tomonidan nashr qilinuvchi Fotosuratlarga va Sharhlarga nisbatan umumiy talablar:
2.1.1. Matn saqlovchi Fotosuratlarni Saytga joylashtirish taqiqlanadi (istisno: umumiy ovqatlanish tashkilotlarining menyusi fotosurati);
2.1.2. Foydalanuvchi va/yoki uning hamkori tomonidan o‘tkaziluvchi aksiyalar, rag‘batlantiruvchi tadbirlar haqidagi ma’lumotlarni, hamda reklama xarakteriga ega bo‘lgan materiallarni saqlovchi Fotosuratlarni joylashtirish taqiqlanadi;
2.1.3. Fotosuratlar Foydalanuvchining faoliyatiga aloqador bo‘lishi: xizmatlarni ko‘rsatish / ishlarni bajarish jarayonlarini, tovarlar savdosi jarayonlarini (masalan. tovarli stellajlarni, tovarlar guruhini, rastalarning rasmiylashtirilishi tasvirlari) tasvirlarini saqlashi, Foydalanuvchi tomonidan o‘z faoliyatini amalga oshirish uchun ishlatiluvchi xona interyerining tasvirini saqlashi kerak.
2.1.4. Osma yozuvlarning Fotosuratlarini, agar bunday tasvir suratga olishning asosiy obyekti hisoblansa, joylashtirish taqiqlanadi.
2.1.5. Axborot ma’lumotiga (telefon, ko‘rsatiluvchi xizmatlar ro‘yxati, Internet tarmog‘ida resurslarga havolalar va boshqalarga) ega bo‘lgan Fotosuratlarni joylashtirish taqiqlanadi.
2.1.6. Chalg‘ituvchi ma’lumotlarga ega bo‘lgan Fotosuratlarni joylashtirish taqiqlanadi.
2.1.7. O‘zbekiston Respublikasining amaldagi qonunchiligini buzishga chaqiruvchi ma’lumotlarga ega bo‘lgan Fotosuratlarni joylashtirish taqiqlanadi.
2.1.8. Mazmuni O‘zbekiston Respublikasining amaldagi qonunchiligiga zid keluvchi ma’lumotlarni saqlovchi Internet tarmog‘idagi resurslarga havolalarni saqlovchi Fotosuratlarni joylashtirish taqiqlanadi.
2.1.9. Logotiplarni (tovar belgilari, xizmat ko‘rsatish belgilarini) saqlovchi Fotosuratlarni joylashtirish taqiqlanadi, agar bunday tasvirlar suratga olishning asosiy obyekti hisoblansa;
2.1.10. Haqoratlovchi, pornografik, zo‘ravonlikni targ‘ib qiluvchi ma’lumotlarni, hamda fojiali voqealar bilan bog‘liq, marosim xizmatlari atributlarini, noestetik tor mutaxassislik faoliyatni — og‘iz bo‘shlig‘i, tanadagi o‘zgarishlar va shunga o‘xshashlarni tasvirlovchi Fotosuratlarni joylashtirish taqiqlanadi;
2.1.11. Qurol va/yoki qurolga konstruktiv o‘xshash mahsulotlarni tasvirini saqlovchi Fotosuratlarni joylashtirish taqiqlanadi. Peyntbol, lazertag, straykbol va boshqa o‘yinlarining va ularning jarayonlarida qo‘llaniluvchi qurollarga konstruktiv o‘xshash mahsulotlarni tasvirlarini saqlovchi Fotorsuratlar bundan mustasno. Peyntbol, lazertag, straykbol o‘yinlarida voyaga yetmagan ishtirokchilar, hamda maxsus kiyim-boshsiz ishtirokchilar tasvirlangan Fotorsuratlar taqiqlanadi.
2.1.12. Yalang‘och yoki yarim yalang‘och odamlarning tasvirlarini saqlovchi va erotika tovarlarini namoyish etuvchi Fotosuratlarni joylashtirish taqiqlanadi.
2.1.13. Fotosuratlarda tasvirlangan shaxslarning yozma roziligi mavjud bo‘lmaganida uchinchi shaxslar haqida shaxsiy ma’lumotlar va boshqa maxfiy ma’lumotlarni oshkor qiluvchi Fotosuratlarni joylashtirish taqiqlanadi.
2.1.14. Fuqaroning tasviri oldingi planga joylashtirilgan va suratga olish obyektini to‘sib qo‘yuvchi Fotosuratlarni joylashtirish taqiqlanadi.
Fuqaroning tasvirini saqlovchi va erkin tashrif uchun ochiq bo‘lgan yoki ommaviy tadbir o‘tkaziluvchi joyda suratga olishda qo‘lga kiritilmagan Fotosuratlarni joylashtirish taqiqlanadi.
2.1.15. Fotosuratlar yuqori sifatda bo‘lishi kerak; sirilib ketgan, noto‘g‘ri burilgan, juda qorong‘u Fotosuratlarni joylashtirishga yo‘l qo‘yilmaydi.
2.1.16. Yakka tovarlar va tovar guruhlarini sahnalashtirilgan fotosuratlarini, agar ular suratga olishning asosiy obyekti hisoblansa: tovarlar katalogi uchun yaratilgan fotosuratlar (oq yoki boshqa bir tusdagi fonda) bo‘lib hisoblansa, joylashtirish taqiqlanadi.
2.1.17. Grafik redaktor yordamida yaratilgan tasvirlarni joylashtirish taqiqlanadi.
2.1.18. Agar obyekt Fotosuratida asosiy tasvir bo‘lib bino hisoblansa, u holda oxirgisi to‘liq tasvirlangan bo‘lishi kerak (uzoqdagi plan). Bino profilida binoning kirish joylari, osma yozuvlari va boshqa mahalliy qismlarining Fotosuratlarini joylashtirish taqiqlanadi.
2.2. Foydalanuvchi tomonidan nashr qilinuvchi Fotosuratlarga nisbatan texnik talablar
Ruxsat etilgan kengaytmalar: jpg, png.
Fotosuratlarning proporsiyalari har qanday tomonlar bo‘yicha 1:5dan oshmasligi kerak.
Fotosuratlarning minimal tomoni (uzunligi va kengligi) — 600 px, maksimal tomoni — 7000 px.
Fotosuratning o‘lchami — 10 mb.dan ortiq emas.
3. Mulohazalarni nashr qilishga nisbatan talablar
3.1. Mulohazalar Foydalanuvchining shaxsiy mijoz tajribasiga ega bo‘lishi kerak. Mijoz tajribasi hisoblanmaydi: tovarlarni yoki xizmatlarni taqdim etishga rad javobini olish (masalan: bankning kredit/qarzni berishda rad javobi, klinikaning shifokorni uyga yuborilishini rad etishi, pasportni taqdim etmasdan muvofiq tovarni sotilishini rad etish, hamda O‘zbekiston Respublikasi qonunchiligi talablari bilan muvofiqlikda yoki boshqa sabablar bo‘yicha har qanday boshqa rad etish), hamda tashkilotlar har qanday sabablar bo‘yicha ish vaqtida ishlamaydigan (yopilgan) vaqtdagi holatlar. Agar keyinchalik xizmat baribir ham olingan bo‘lsa, u haqidagi mulohazada rad javobining oldingi holati eslatib o‘tilishi mumkin.
3.2. O‘zbekiston Respublikasining amaldagi qonunchiligini buzishga chaqiruvchi har qanday materiallarni nashr qilish taqiqlanadi.
3.3. O‘z-o‘zini reklama qilish taqiqlanadi: muayyan tashkilotning manfaatlarini oldinga surish yoki uni qo‘llab-quvvatlash maqsadlarida mulohazalarni, reklama havolalarini ko‘rsatish, maketlarni va boshqa reklamalarni chop etish. Affillangan kompaniyalarning vakillariga: reklama, piar- va marketing agentliklariga, reklama bo‘yicha menejerlarga, reklama bo‘yicha menejerlarga, akkaunt-menejerlarga va shunga o‘xshashlarga, hamda 2GISda kompaniyaning yuqori reytingida manfaatdor bo‘lishi mumkin bo‘lgan boshqa shaxslarga mulohazalarni nashr qilish taqiqlanadi.
3.4. Vijdonsiz raqobat va qora PR taqiqlanadi: mulohazalarni, jumladan Foydalanuvchi ishlayotgan tashkilotning raqobatchilarini salbiy tavsiflovchi fotosuratlarni, rasmlarni yoki kollajlarni nashr qilish, hattoki Foydalanuvchida mijoz tajribasi mavjudligida ham.
3.5. Siz o‘zingiz ishlayotgan kompaniya haqida mulohazalarni nashr qilish taqiqlanadi.
3.6. Mulohazalarni nashr qilish uchun bir nechta akkauntlardan foydalanish taqiqlanadi. Kompaniyalarning reyting natijalarini noto‘g‘ri talqin qilish taqiqlanadi.
3.7. Tashkilot mulohazalarida xuddi o‘sha profilni yodga olish, masalan, ikkita raqobatchilarni ishini taqqoslash, agar Foydalanuvchining hech bir taqqoslanuvchi tashkilotga tegishli bo‘lmagan holatida.
3.8. Mulohaza muallifi o‘z mulohazasini tasdiqlashi shart, agar uning matnida buyurtma/shartnoma raqami saqlanmayotgan va matn bo‘yicha holatni identifikatsiya qilish imkoniyati bo‘lmaganida. Agar kompaniya vakili mijozning mulohazasiga rasmiy javobida mulohazada tavsiflangan holatni identifikatsiya qilish va uning sabablarini bartaraf qilishga nisbatan choralarni ko‘rish uchun aniqlashtiruvchi savolni qoldirayotgan bo‘lsa (masalan: kompaniyaga murojaat qilish sanasi va vaqti, telefon raqamining oxirgi to‘rtta raqami, shartnoma yoki buyurtmaning raqami, kompaniyaga murojaat qilish tafsilotlari, va hokazolar), mulohaza muallifi aloqaga chiqishi va rasmiy javobga o‘z sharhida murojaatning tafsilotlarini aniqlashtirishda kompaniyaga yordam berishi kerak. Muallif shartnomaning raqamini yoki aniq sana va vaqtni yodda saqlashi mumkin bo‘lmasligi mumkin, ammo oyni va kunning taxminiy vaqtini etishi, hamda buyurtmaning tarkibini ta’riflashi mumkin — bunday javob yetarli bo‘ladi. Agar 4 kalendar kun davomida mulohaza muallifi kompaniyaning so‘roviga javob bermayotgan bo‘lsa, kompaniya vakilining shikoyati olinishida mulohaza «Tasdiqlanmagan» maqomini oladi. Mobil versiyada bunday mulohaza «Boshqa mulohazalar» tasmasiga o‘tkaziladi, onlayn versiyada mulohaza kompaniya reytingida hisobga olinmay qoladi. Muallif faqat kompaniyaning rasmiy sharhiga javob bilan birgalikda ariza orqali mulohazani tiklashi mumkin. Agar mulohaza murojaat sanasi, vaqti va buyurtma haqida ma’lumotlarni (tovarlar / xizmatlar tarkibi yoki uni tizimda topishga imkon beruvchi buyurtma, shartnoma, chekning raqami) majmuasi ko‘rinishida kompaniyaga mijozning murojaat tafsilotlariga ega bo‘lib bo‘lgan bo‘lsa, muallif aloqaga chiqmaslik huquqiga ega: bunday mulohaza yashirib qo‘yilmaydi.
Qoida faqat bir yildan ortiq bo‘lgan muddatda yozilgan va kamida uch yildan uzoq muddatga ega bo‘lgan kompaniyaga murojaat haqidagi ma’lumotlarni saqlovchi mulohazalar uchun dolzarbdir.
Muallif, agar kompaniya mulohazaga sharhlardan tashqari aloqaning boshqa usullarini taklif etmayotgan holatdagina, mulohazaga sharh bilan kompaniyaning savoliga javob berishi shart. Qoida, Kompaniya javob berish uchun boshqa kanalni (shaxsiy xabarlar, telefon, elektron pochta va hokazo) taklif etmayotgan holatlarga ta’sir etmaydi, chunki ushbu holatda kommunikatsiya ommaviy muzokara chegarasidan tashqarida sodir bo‘lmoqda.
3.9. Shaxsiy mijoz tajribasiga asoslanmagan mulohazalar taqiqlanadi: do‘stlarning, tanishlarning yoki uchinchi shaxslarning so‘zlaridan holatning tavsiflanishi, nashrlar asosida qilingan tashkilotning ishlashi haqida xulosalar, promo-materiallar, reklama, tovarlar yoki xizmatlar assortimenti, tashkilotning narx siyosati va hokazolar.
3.10. Hattoki, agar mijoz kompaniyadan xizmatni xarid qilmagan holatda ham: do‘konda sotuvchining maslahati, restoranda buyurtmani rasmiylashtirish (hattoki, agar natijada tovar, xizmat yoki taom xarid qilinmagan holatda ham) mijoz servisini olish tajribasini tavsiflovchi mulohazalarga ruxsat beriladi. 3.1-bandda sanab o‘tilgan holatlar (masalan, texnik yoki boshqa imkoniyat mavjud bo‘lmasligi sababli tovarlarni yoki xizmatlarni taqdim qilishda kompaniya vakili rad etishi, hamda kompaniya biron bir sabab bo‘yicha ish vaqtida ishlamayotgandagi holatda) istisno hisoblanadi.
3.11. Kichkina bolalar, keksa odamlar, hamda layoqatsiz yaqin insonlar — mulohazani qoldiruvchi Foydalanuvchi mulohazada tavsiflanuvchi holatning shaxsan ishtirokchisi bo‘lganligi shartida o‘zlari mulohaza yozishga qodir bo‘lmagan shunday shaxslarning mijoz tajribasi haqida so‘zlab beruvchi mulohazalarni qoldirishga ruxsat beriladi. 14 yoshdan katta bolalar mulohazalarni mustaqil yozishlari kerak.
3.12. Mulohaza hisoblanmaydigan va muayyan tashkilotning ishiga bag‘ishlanmagan matnni mulohaza o‘rniga nashr qilish taqiqlanadi (masalan, «Bu yerda bizning ilk uchrashuvimiz o‘tgan», «Menga ularning reklama siyosati yoqmaydi. Bu stilning hammasi — juda ham tajovuzkor, go‘yo bosim o‘tkazayotgandek. O‘zlariga shunday iboralarni qo‘llashni o‘zlariga ruxsat beruvchilardan savdo qilishni tavsiya etmagan bo‘lardim»).
3.13. Bitta tashkilot haqida bir nechta bir xil mulohazalarni ketma-ket nashr qilish yoki bitta tashkilotning barcha filiallari yoki turlicha tashkilotlar haqida bir xil mulohazalarni (dubl) nashr qilish taqiqlanadi.
3.14. Biron bir kimsalarning mulohazalariga javoban mulohazalarni nashr qilish taqiqlanadi.
3.15. Mulohazaning matnini tavsiflangan mulohazaning mohiyatini anglab yetilishini qiyinlashtiruvchi boshqa adabiy tur yoki uslub (she’r, p’yesa, ertak, masal) ostida stilizatsiya qilish taqiqlanadi.
3.16. Orfografiya va tinish belgilarining umumqabul qilingan qoidalarini qasddan buzish, katta va kichik harflarni navbatlash, matnni yuqori registrda («kapslokda») ustunligi bilan mulohazani nashr qilish yoki ortiqcha simvollar — masalan, takrorlanuvchi qavslar yoki ko‘p nuqtalar yordamida minimal ruxsat etilgan uzunlikgacha mulohaza matniga «erishishga» harakat qilish taqiqlanadi.
3.17. Mulohaza yozilish paytiga 3 yildan ortiq muddat oldin sodir bo‘lgan holat haqida mulohazalarni yozish taqiqlanadi.
3.18. Tashkilotni (haqiqiy yoki potensial) ish beruvchi sifatida baholash, suhbat natijalari bo‘yicha tashkilotni baholash taqiqlanadi.
3.19. Mijoz tajribasiga bevosita tegishli bo‘lmagan va tashkilot ishini yoki ishini, unda xarid qilingan tovarlar sifatini tavsiflamaydigan fotosuratlarni mulohazalarda nashr qilish taqiqlanadi. Yurakchalar, smayllar, his-tuyg‘ularni, hayvonlarni va kamalakni aks ettiruvchi rasmlar mulohazaga illustrasiya bo‘lishi mumkin emas.
3.20. Boshqa mualliflar tomonidan qilingan, ammo kompaniya ishiga taalluqli bo‘lmagan (tovarlar, interyer, rastalar, taomlar) suratlarni nashr qilishga ruxsat etiladi.
3.21. Qonuniy vorisdan yoki qonuniy voris tomonidan vakolatlangan shaxsdan fotosuratga asoslangan shikoyat kelib tushishida, fotosurat o‘chirib yuboriladi.
3.22. Mulohazalarga sharhlarda ma’nosiz xabarlar (flud), takrorlanishlar, haqoratlar, so‘kinishli so‘zlar, spam taqiqlanadi. Nashr qilish qoidalarini buzuvchi mulohazalarning matnini joylashtirish uchun sharhlarni qo‘llash taqiqlanadi.
3.23. Mulohazalarda, mulohazalardagi fotosuratlarda va tashkilotlarning rasmiy javoblarida odamlarning — xodimlarning, tashkilotlarning mijozlari va servisning boshqa Foydalanuvchilarini har qanday ruhiy salbiy xarakteristikalarini aks ettirish taqiqlanadi. Xususan, tavsiflanuvchi odamlarning millati, dini, siyosiy qarashlari va aqliy qobiliyatlari darajasi belgilari bo‘yicha haqorat qilishga yo‘l qo‘yilmaydi.
3.24. So‘kinishli so‘zlar taqiqlangan.
3.25. Muayyan tashkilotning, shaxsiyatiga o‘tmasdan, faoliyatiga, uning tovarlariga yoki xizmatlariga nisbatan salbiy bayonotlarga yo‘l qo‘yiladi.
3.26. Texnik nuqtai nazari bilan tashkilotning sayti yoki ilovasining ishlashini baholash (sekin ishlamoqda, mobil telefon yoki planshet ostiga moslashtirilmagan) taqiqlanadi.
3.27. Mulohazalarda internet-do‘kon sayti yoki tashkilotning ilovasini ishini faqat servis qismida (buyurtma, qo‘ng‘iroq, yetkazib berish) baholashga ruxsat etiladi, agar bunda qolganlar haqida ham ma’lumotlar (tovarni olish, tovar sifati) nashr qilinayotgan bo‘lsa.
3.28. Har qanday tashkilotda telefon liniyasining bandligini baholash taqiqlanadi, quyidagi bo‘limlardagi tashkilotlar bundan mustasno: Uyga oziq-ovqat / xo‘jalik tovarlarini buyurtma qilish, Tayyor taomlarni yetkazib berish, Gullarni yetkazib berish, Ichimlik suvi, Yengil yo‘lovchi transportiga buyurtma berish, Internet-provayderlar, Uyali aloqa operatorlari, Dispetcherlik xizmatlari.
3.29. Telefon so‘zlashuvini baholashga, agar telefon bo‘yicha kompaniyaning xizmatlarini yoki tovarlarni olish bilan bog‘liq bo‘lgan masalalar bo‘yicha kompaniya xodimlarini maslahatlari olingan holatda, ruxsat etiladi. Telefon so‘zlashuvi haqida mulohaza, agar maslahat sifati baholanayotgan bo‘lsa, yo‘l qo‘yiladi.
3.30.1. Mulohazalarda pasportlarning skanlarini, tibbiyot kartalaridan ma’lumotlarni va tashkilot mijozining shaxsiy ma’lumotlarini nashr qilish taqiqlanadi.
3.30.2. Mulohazalarda ma’lumotlarning umumerishimli manbalaridan olingan kompaniya vakillarini FIOsini nashr qilishga yo‘l qo‘yiladi. Mulohazalarda / sharhlarda / mulohazalarga javoblarda shaxsiy ma’lumotlar subyektining roziligisiz joylashtirilgan kompaniya vakillarining FIOsini joylashtirish aniqlanganda, nashr qilingan kontentni tekshirilishi shaxsiy ma’lumotlari roziliksiz nashr qilingan shaxsiy ma’lumotlar subyektlarini yozma arizasi bo‘yicha amalga oshiriladi, unda shaxsiy ma’lumotlar subyektlarini shaxsini tasdiqlovchi hujjatning ma’lumotlari saqlanadi. Shaxsiy ma’lumotlarni bloklash/o‘chirib yuborish yozma arizani ko‘rib chiqish natijalariga bog‘liq bo‘ladi.
3.31. Mulohazalarda siz tomondan xarid qilingan tovarni qo‘llash yoki xizmatni olish natijasida sodir bo‘lgan o‘zgarishlarning natijalari fotosuratlariga yo‘l qo‘yiladi. Masalan: xarid qilingan akvarel bo‘yog‘ining sifati haqidagi sharhlar bilan siz tomondan qilingan suratning rasmi; shaxsiy fotosurat (selfi), agar fotosurat servis yoki faqat inson baholashi mumkin bo‘lgan tovarning sifatini namoyish qilayotgan bo‘lsa (turmak, makiyaj, kiyim odamga mos kelishi); uy hayvonining fotosurati, agar u hayvonlar uchun xizmatlarni ko‘rsatayotgan tashkilotning (veterinar shifoxona, hayvonlar uchun sartaroshxona va hokazolar) ishi natijalarini tavsiflayotgan bo‘lsa.
3.32. Servisni Foydalanuvchi yoki tashkilot vakilining maydonchasiga trafikni jalb qilish uchun kanal sifatida qo‘llash taqiqlanadi: shaxsiy bloklar, saytlar, kanallarga havolalarni berish taqiqlanadi.
3.33. Tashkilotlarning axborot resurslariga (OAV, forumlar) va saytlariga havolalarni berish, agar Foydalanuvchi ushbu tashkilotda faoliyat yuritmayotgan bo‘lsa, ruxsat etiladi.
3.34. Mulohazada, tashkilot servisini majburiy baholash bilan bir qatorda: o‘z holati bo‘yicha tashkilotdan ma’lumotni aniqlashtirish (sodir bo‘layotgan holatlarning ishtirokchisi hisoblangan) yoki tashkilotning ishlashi bo‘yicha konstruktiv masalalarni / takliflarni bayon etishga ruxsat beriladi. Foydalanuvchi aloqador bo‘lmagan, begonalarning holatlari bo‘yicha tashkilot tomonidan qabul qilingan qarorlar bilan talashish, ularni tanqid qilish va baholash taqiqlanadi.
3.35. Biz har qanday mulohazaning kelib chiqishida shubhaga ega bo‘lganimizda, sizdan ularga tasdiqni so‘rab olishga haqlimiz. Buyurtma raqami, murojaatning sanasi va vaqti, kompaniyaga murojaat qilishning tafsilotlari — xizmatni olish yoki tovarni xarid qilishning tafsilotlariga ko‘rsatuvchi hammasi tasdiq bo‘lishi mumkin.
3.36. Jamiyatga, davlatga, gerbga, gimnga, bayroqqa, O‘zbekiston Respublikasining Konstitutsiyasiga va davlat hokimiyati organlariga nisbatan yaqqol behurmatsizlikni noloyiq namoyish qiluvchi mulohazalarni nashr qilish taqiqlanadi.
4. Mazkur Talabning har qanday bandini buzilishi quyidagi oqibatlarni keltirishi mumkin:
Kontentning yashirilishi, o‘chirib yuborilishi;
Boshqa usulda Qo‘shimcha xizmatlarni taqdim etilishini chegaralanishi yoki to‘xtatilishi.
Mazkur Talablarni buzganlik uchun sanksiyalar oldindan ogohlantirish va qo‘shimcha tushuntirishlarni berish zaruratisiz Ijrochining ixtiyori bo‘yicha qo‘llaniladi.
02.08.2021 y.dan tahrir.