1. Foydalanuvchi kontentiga qo‘yiladigan umumiy talablar:
2GIS xizmatlaridan foydalanish to'g'risidagi Kelishuvda (https://law.2gis.uz/rules/) nazarda tutilgan hollarda, Foydalanuvchiga quyidagi turdagi kontentni, jumladan tasvirlar, matnli, audio va video materiallarni, shuningdek mualliflik va (yoki) turdosh huquqlarning boshqa obyektlarini (Kontent) joylashtirish (shu jumladan, tashqi manbalardan uzatish), tahrirlash va o‘chirish imkoniyati beriladi:
Buklet — yuridik shaxs/yakka tartibdagi tadbirkorning (tashkilotning) profil sahifasi bo‘lib, ma’lum bir hududdagi Tashkilotlar ma’lumotnomasida joy olgan tashkilot haqida ma’lumot va tashkilot tomonidan ishlab chiqarilayotgan yoki sotilayotgan tovarlar/xizmatlar yoki bajarilayotgan ishlar haqidagi ma’lumotni o‘z ichiga oladi hamda Foydalanuvchilarni xabardor qilish maqsadida joylashtiriladi.
 Fotosuratlar — Tashkilotlar fotosuratlari va Geografik obyektlar fotosuratlari.
Tashkilotlarning fotosuratlari — bu yuridik shaxs/yakka tartibdagi tadbirkorning (tashkilotning) faoliyatiga bevosita aloqador bo‘lgan, Tashkilotlar ma’lumotnomasida u haqida ma’lumot mavjud bo‘lgan tashkilot profiliga biriktirilgan hamda boshqa Foydalanuvchilarni tashkilot va uning faoliyati haqida xabardor qilish maqsadida Foydalanuvchi tomonidan joylashtiriladigan fotosuratlardir.
Geografik obyektlarning fotosuratlari - 2GIS mahsulotlarida ma’lumotlari mavjud bo‘lgan tabiiy obyektlar (ko‘l, daryo kabilar) va/yoki inson faoliyati natijasida yaratilgan obyektlarning (bino, inshoot, bog‘lar, xiyobonlar kabilar) fotografik jarayon orqali olingan tasvirlaridir. Geografik obyektlarning fotosuratlari tabiiy yoki sun’iy obyekt haqida umumiy taassurot uyg‘otishi va joyda mo‘ljal olishga ko‘maklashishi lozim.
Videoyozuvlar — Tashkilotlarning videoyozuvlari, Geografik obyektlarning videoyozuvlari.
Tashkilotlarning videoyozuvlari — Tashkilotlar ma’lumotnomasida mavjud bo‘lgan yuridik shaxs/yakka tartibdagi tadbirkor (tashkilot) faoliyatiga bevosita aloqador bo‘lgan, Tashkilotlar ma’lumotnomasidagi tashkilot profiliga bog‘langan hamda Foydalanuvchi tomonidan boshqa Foydalanuvchilarni tashkilot va uning faoliyati haqida xabardor qilish maqsadida joylashtirilgan videoyozuvlardir.
Geografik obyektlarning videoyozuvlari — 2GIS mahsulotlarida ma’lumoti mavjud bo‘lgan tabiiy obyektlar (ko‘l, daryo va hokazo) va/yoki inson faoliyati natijasida yaratilgan obyektlar (bino, inshoot, bog‘lar, xiyobonlar va boshqalar) haqidagi videografik jarayon natijasida olingan videoyozuvlardir. Obyektlarning videoyozuvlari tabiiy obyekt yoki inson faoliyati natijasida yaratilgan inshoot haqida umumiy taassurot uyg‘otishi, shuningdek, joyda mo‘ljal olishga ko‘maklashishi lozim.
Izoh — Foydalanuvchi tomonidan Fotosurat yoki Videoyozuv yuklanayotganda mavjud bo‘lgan maxsus maydonga joylashtiriladigan Fotosurat yoki Videoyozuvga berilgan tushuntirishdir.
Sharhlar — Foydalanuvchilarning yuridik shaxslar/yakka tartibdagi tadbirkorlar (tashkilotlar) bilan hamkorlik natijasida olingan mijozlik tajribasi haqidagi, Tashkilotlar ma’lumotnomasida ular haqida ma’lumot mavjud bo‘lgan va tashkilot profiliga biriktirilgan hamda Foydalanuvchilarni sotilayotgan tovarlar, bajarilayotgan ishlar, ko‘rsatilayotgan xizmatlar haqida xabardor qilish maqsadida Foydalanuvchi tomonidan joylashtiriladigan fikrlar (yoki Foydalanuvchilarning tashkilot bo‘lmagan, 2GIS Mahsulotlarida ular haqida ma’lumot mavjud bo‘lgan tabiiy obyektlar (ko‘l, daryo va h.k.) va/yoki inson faoliyati natijasida yaratilgan obyektlar (bino, inshoot, parklar, xiyobonlar va h.k.)ni tashrif buyurish tajribasi haqidagi fikrlari)dir.
Tasdiqlangan sharhlar - to‘lov (bank yoki boshqa raqamli servis yordamida) yoki geopozitsiya (foydalanuvchi qurilmasining geografik joylashuvi asosida tashkilotga tashrif buyurganligi fakti aniqlangan) orqali ishonchliligi tasdiqlangan sharhlar. Bunday sharhlar tegishli belgi bilan belgilanadi va tashkilotning umumiy reytingini hisoblashda inobatga olinadi.
Tasdiqlanmagan sharhlar - nomdosh bo‘limda e’lon qilinadigan, ishonchliligi tasdiqlanmagan sharhlar (sharh sun’iy ravishda oshirib ko‘rsatilgani aniqlangan/sharh muallifi tashkilotning aniqlashtiruvchi savoliga javob bermagan). Bunday sharhlar tashkilotning umumiy reytingida hisobga olinmaydi.
Ko‘rsatib o‘tilgan bo‘limga kirish huquqini olish uchun Foydalanuvchiga muvofiq tashkilotning kartochkasiga o‘tish, "Sharhlar" bo‘limini tanlash va sharhlarning aks ettiriluvchi lentasini muvofiq blokgacha varaqlashi zarur bo‘ladi. Bo‘sh o‘rin — ma’lumotlari Tashkilotlar ma’lumotnomasida mavjud bo‘lgan tashkilot profiliga bog‘langan Tashkilotlar ma’lumotnomasida ma’lumotlari keltirilgan tashkilotda keyinchalik ishga joylashish maqsadida ish izlovchilarni (nomzodlarni) jalb qilish uchun mo‘ljallangan axborot.
Foydalanuvchi kontenti Internet tarmog‘ida law.2gis.ru/rules manzilida joylashtirilgan va/yoki mavjud bo‘lgan 2GIS xizmatlaridan foydalanish to‘g‘risidagi kelishuvda ko‘zda tutilgan talablarga hamda ushbu Talablarga mos kelishi shart.

2. Foydalanuvchi tomonidan joylashtirilayotgan fotosuratlar, videoyozuvlar va sharhlarga qo‘yiladigan talablar:
2.1 Fotosuratlar va (yoki) videoyozuvlar tashkilotga bevosita aloqador bo‘lishi shart: xizmat ko‘rsatish/ishlarni bajarish jarayoni, tovarlarni sotish jarayonini aks ettirishi (masalan, tovar joylashtirilgan javonlar, vitrinalarning bezatilishi), faoliyat olib borilayotgan xonaning ichki yoki tashqi ko‘rinishini ko‘rsatishi lozim. Tabiiy obyektga (ko‘l, daryo va h.k.) va/yoki inson faoliyati natijasida yaratilgan obyektga (bino, inshoot, parklar, xiyobonlar va h.k.) qo‘shiladigan Fotosuratlar va (yoki) Videoyozuvlar tanlangan obyektni aniq aks ettirishi lozim.
2.2 Ko‘rib chiqishni qiyinlashtiradigan matn va grafik elementlarni o‘z ichiga olgan Fotosuratlar va (yoki) Videoyozuvlarni joylashtirish man etiladi (bundan umumiy ovqatlanish tashkilotlarining narxlar ro‘yxati va menyulari mustasno);
2.3 Grafik muharrirlar va neyrotarmoqlar yordamida yaratilgan tasvirlar va (yoki) videomateriallarni joylashtirish taqiqlanadi (istisno: yangi qurilishlarning renderlari hamda asosiy faoliyati grafik tasvirlar va uch o‘lchamli modellar yaratish bo‘lgan tashkilotlarning ish namunalaridir).
2.4 Ekranning tasvirlarini, shuningdek, ramkalar qo‘shilgan fotosuratlar va (yoki) videoyozuvlarni joylashtirish man etiladi.
2.5 Foydalanuvchi va/yoki uning hamkorlari tomonidan o‘tkaziladigan aksiyalar, reklama tadbirlari, shuningdek, reklama ma’lumotlarini o‘z ichiga olgan fotosuratlarni joylashtirish taqiqlanadi;
2.6. Qasddan yolg'on yoki chalg'ituvchi ma'lumotlarni o'z ichiga olgan fotosuratlarni joylashtirish taqiqlanadi;
2.7 Amaldagi milliy va xalqaro qonunchilikni buzishga undovchi ma’lumotlarni o‘z ichiga olgan fotosuratlar va (yoki) videoyozuvlarni joylashtirish man etiladi; 
2.8. Mazmuni amaldagi milliy va xalqaro qonunchilikka zid bo‘lgan internet manbalariga havolalarni o‘z ichiga olgan fotosuratlar va (yoki) videoyozuvlarni joylashtirish taqiqlanadi;
2.9 Pornografik, haqoratli, vahimali ma’lumotlarni, shuningdek, jirkanch tuyg‘ularni uyg‘otadigan va/yoki zo‘ravonlikni targ‘ib qiluvchi axborotni o‘z ichiga olgan fotosuratlar va (yoki) videoyozuvlarni joylashtirish man etiladi;
2.10 Asosiy faoliyati qurol ishlab chiqarish va (yoki) sotish bo‘lgan Tashkilotlarda qurol tasvirlangan fotosuratlar va (yoki) videoyozuvlarni joylashtirish taqiqlanadi. Bundan mustasno holat - peyntbol, lazertag, straykbol va shunga o‘xshash o‘yinlar uchun mo‘ljallangan jihozlar tasvirlangan fotosuratlar va (yoki) videoyozuvlardir. Shu bilan birga, ushbu o‘yinlarning maxsus kiyim-kechaksiz ishtirokchilari, shuningdek, voyaga yetmaganlarning qurol yoki qurolga o‘xshash shakldagi buyumlar bilan tushirilgan fotosuratlar va (yoki) videoyozuvlarini joylashtirish taqiqlanadi.
2.11 Yalang‘och yoki yarim yalang‘och shaxslarning tasvirlari hamda erotik mahsulotlarni namoyish etuvchi fotosuratlar va (yoki) videoyozuvlarni joylashtirish taqiqlanadi;
2.12 Bolalarga nisbatan nomaqbul xatti-harakatlarni aks ettiruvchi izohlar, fotosuratlar va (yoki) videoyozuvlarni joylashtirish man etiladi (voyaga yetmaganlarni jinsiy nuqtai nazardan tasvirlash, bolalarga nisbatan zo‘ravonlikni ko‘rsatish, uni qo‘zg‘atish yoki rag‘batlantirish, ularni ekspluatatsiya qilish va h.k.).
2.13 Uchinchi shaxslarning intellektual mulk huquqlarini buzadigan fotosuratlar va/yoki videoyozuvlarni joylashtirish man etiladi. Intellektual mulk obyektiga bo‘lgan huquqlar buzilganligi to‘g‘risida huquq egasidan yoki u vakolat bergan shaxsdan asosli shikoyat kelib tushgan taqdirda, tegishli Fotosurat va (yoki) Videoyozuv o‘chirib tashlanadi.
2.14. Shaxsiy ma’lumotlari bo‘lgan uchinchi shaxslarning fotosuratlari va (yoki) videoyozuvlarini, ularning ma’lumotlarini qayta ishlash va tarqatishga ulardan oldindan rozilik olinmagan holda joylashtirish taqiqlanadi. Fotosuratlar va (yoki) videoyozuvlarda shaxsiy ma’lumotlar ularning egasining roziligisiz joylashtirilgani aniqlanganda, e’lon qilingan Kontentni tekshirish ushbu Talablarning 3.20-bandida belgilangan tartibda, roziligisiz ma’lumotlari joylashtirilgan shaxsiy ma’lumotlar subyektining yozma arizasi asosida amalga oshiriladi. 
2.15. Fotosuratlar yuqori sifatli bo‘lishi va quyidagi talablarga javob berishi lozim: nisbatlar har qanday tomon bo‘yicha 1:5 dan oshmasligi kerak; minimal uzunlik yoki balandlik - 600 piksel, maksimal - 7000 piksel bo‘lishi; kengaytmasi jpeg yoki png bo‘lishi; fayl hajmi - 10 megabaytdan oshmasligi kerak. Xira, noto‘g‘ri burilgan, haddan tashqari qorong‘i yoki ortiqcha yoritilgan fotosuratlarni joylashtirish taqiqlanadi.
2.16. Video yuqori sifatli bo‘lishi va quyidagi talablarga javob berishi lozim: formatlar - mp4, mov, HEVC; davomiyligi - 4 soniyadan 1 daqiqagacha; fayl hajmi - 100 Kb dan 1 Gb gacha; qo‘llab-quvvatlanadigan o‘lcham - 359x359 dan 4K gacha; kadrlar chastotasi - 70fps. Vertikal va gorizontal video qo‘llab-quvvatlanadi. Sezilarli artefaktlar, past o‘lcham, jiddiy buzilishlar yoki noto‘g‘ri yo‘naltirilgan videolarni joylashtirish taqiqlanadi.

3. Sharhlarni chop etishga qo‘yiladigan talablar:
3.1 Sharh foydalanuvchining shaxsiy tajribasiga asoslanishi lozim, masalan: mahsulot xarid qilish, xizmatdan foydalanish, tashkilot vakili bilan maslahatlashish yoki joyni ziyorat qilish. 
Mijoz tajribasi hisoblanmaydigan holatlarga misollar:
• Tashkilotning xizmat ko‘rsatish yoki mahsulot sotishdan bosh tortishi (masalan, bankning kredit berishni rad etishi, pasportsiz tegishli tovarni sotishdan bosh tortishi, shuningdek, qonun talablariga ko‘ra har qanday boshqa rad etish holatlari); 
• Tashkilot yopiq bo‘lgani sababli xizmat ko‘rsata olmagani (hatto ish soatlarida ham);
• Mijozning o‘z ixtiyori bilan xariddan voz kechishi (narxlar va/yoki mahsulot turi qoniqtirmagani va h.k.);
• Vaziyatni boshqa shaxsning so'zlaridan tasvirlash;
• Baholash faqat reklama, nashrlar, mahsulot assortimenti yoki narxlariga asoslangan.
3.2 Amaldagi qonunchilikni buzishga undovchi, shuningdek jamiyat, davlat va hokimiyat organlariga nisbatan ochiqdan-ochiq hurmatsizlikni aks ettiruvchi materiallarni e’lon qilish man etiladi.
3.3. Muayyan tashkilot manfaatlarini ilgari surish yoki qo‘llab-quvvatlash maqsadida sharhlar e’lon qilish, reklama havolalarini ko‘rsatish, shuningdek, maketlar va boshqa reklamalarni joylashtirish taqiqlanadi. Reklama, PR va marketing agentliklari, reklama menejerlari, hisob menejerlari va shunga o‘xshash shaxslar, shuningdek tashkilotning yuqori reytingidan manfaatdor bo‘lishi mumkin bo‘lgan boshqa kishilarga sharhlar e’lon qilish man etiladi. Sharhlar va tashkilot reytingi bilan har qanday yo‘l bilan o‘ynashish qat’iyan taqiqlanadi.

Tashkilot haqidagi sharhlar sonining to‘satdan va/yoki g‘ayritabiiy o‘sishida ifodalanuvchi shubhali faollik aniqlanganda, Ma’muriyat tashkilot kartochkasini vaqtincha bloklash huquqini o‘zida saqlab qoladi. Blokirovka davrida sharhlar e’lon qilish imkoniyati saqlanib qoladi, biroq barcha kelib tushayotgan sharhlar avtomatik ravishda «Tasdiqlanmagan sharhlar» bo‘limiga yo‘naltiriladi va blokirovka olib tashlangunga qadar asosiy sharhlar lentasida aks ettirilmaydi.

Ma’muriyat tomonidan sharhlarni sun’iy ravishda oshirib yuborish yoki tashkilot reytingiga ta’sir ko‘rsatishga qaratilgan boshqa harakatlar fakti aniqlanganda, shuningdek, Ma’muriyatda ayrim sharhlarning ishonchliligiga oid asosli shubhalar paydo bo‘lgan taqdirda, bunday sharhlar «Tasdiqlanmagan sharhlar» bo‘limiga ko‘chirilishi va tashkilotning umumiy reytingi hisob-kitobidan chiqarilishi mumkin.

3.4. Tashkilot haqidagi sharhda xuddi shu sohadagi raqobatchi tashkilotning nomini keltirib o‘tish taqiqlanadi. Foydalanuvchi sharh yozayotgan paytda o‘z faoliyatini to‘xtatgan bir tarmoq filiallarining va tashkilotlarning nomlarini tilga olishga ruxsat beriladi.
3.5. Bolalar, keksalar va muomalaga layoqatsiz yaqin kishilarning mijozlik tajribasi haqida fikr bildirish, agar fikr qoldirayotgan Foydalanuvchining o‘zi sharhda tasvirlangan voqealarda ishtirok etgan bo‘lsa, ruxsat etiladi.
3.6. Tashkilotning turli filiallari yoki turli tashkilotlar haqida bir xil mazmundagi sharhlarni joylashtirish taqiqlanadi.
3.7. Boshqalarning sharhlariga javob tariqasida sharh qoldirish man etiladi.
3.8. Agar sharh matnidan muallifning haqiqatan ham mijoz bo‘lganligi aniqlanmasa (masalan, murojaat tafsilotlari keltirilmagan yoki tasdiqlovchi hujjatlar mavjud bo‘lmasa), tashkilot «Bunday mijozimiz bo‘lmagan» e’tirozi bo‘yicha Shaxsiy kabinet orqali qo‘shimcha ma’lumotlarni so‘rash huquqiga ega. Tasdiqlash uchun quyidagi holatlardan biri yetarli:
- so'rovning sanasi va vaqti;
- telefon raqamining oxirgi raqamlari;
- buyurtma yoki shartnoma raqami;
- xizmat ko‘rsatish yoki tovar olish jarayonida olingan fotosuratlar;
- apellyatsiya faktini tasdiqlovchi boshqa ma'lumotlar.
Muallif tashkilot so'roviga 4 kun ichida sharhga tashrif tafsilotlarini qo'shish yoki sharhni tahrirlash orqali javob berishi kerak. 
Agar muallif 4 kun ichida ma’lumotlarni taqdim etmasa, fikr-mulohaza «Tasdiqlanmagan» maqomini olib, ma’lumot taqdim etilgunga qadar tashkilot reytingidan chiqarib qo‘yiladi.
Muallif tashkilotning rasmiy sharhiga aniqlashtiruvchi javob bilan birga ariza orqali sharhni tiklashi mumkin.
Quyidagi hollarda qoida amal qilmaydi:
– Sharh e’lon qilinganiga bir yildan ortiq vaqt o‘tgan bo‘lsa.
- Sharh to‘lov yoki geojoylashuv bilan tasdiqlangan bo‘lsa (bunday sharhlar tegishli belgi bilan ta’minlanadi).

Tashkilot to‘lov bilan tasdiqlangan sharhga aniqlashtiruvchi savol berish uchun texnik imkoniyatga ega emas, chunki bu sharh Foydalanuvchi bilan teskari aloqa o‘rnatish imkoniyatisiz to‘lov tizimi bilan tashqi integratsiya orqali uzatilgan.

3.9. Katta va kichik harflarni ataylab almashtirib yozish, matnni faqat bosh harflarda («capslock») yozish yoki sharhni ortiqcha belgilar bilan cho‘zib, undagi mazmunni tushunishni qiyinlashtiradigan holda yozish taqiqlanadi.
3.10. Sharh yozish paytidan boshlab 1 yildan ortiq vaqt oldin sodir bo‘lgan voqealar haqida sharhlar yozish taqiqlanadi.
3.11. Tashkilotni ish beruvchi, shu jumladan potensial ish beruvchi sifatida baholash taqiqlanadi, masalan, suhbat natijalariga asoslanib kompaniyaga baho berish mumkin emas.
3.12. Tashkilotga aloqador bo‘lmagan, uning mahsulotlari va/yoki xizmatlari sifatini hamda mijozlar tajribasini aks ettirmaydigan fotosuratlar va (yoki) videoyozuvlarni sharhlarda joylashtirish taqiqlanadi. 
3.13. Uchinchi shaxslarning mualliflik, turdosh va boshqa intellektual huquqlarini buzadigan Fotosuratlar va (yoki) Videoyozuvlarni sharhlarda e’lon qilish man etiladi. 
Huquq egasi yoki uning vakolatli vakilidan Fotosuratlar va (yoki) Videoyozuvlarga oid asosli shikoyat kelib tushgan taqdirda, bunday Fotosuratlar va (yoki) Videoyozuvlar o‘chirib tashlanadi.
3.14. Sharhlarda, Izohlarda, tashkilotning rasmiy javoblarida va boshqa turdagi kontentda quyidagilar taqiqlanadi: ma’nosiz xabarlar (flud), takroriy yozishmalar, spam, haqoratlar, har qanday odobsiz so‘zlar (shu jumladan, yashirin so‘kinishlar), tashkilot xodimlari yoki boshqa foydalanuvchilarning shaxsiy ma’lumotlarini joylashtirish.
3.15. Sharhlarda, izohlarda, tashkilotning rasmiy javoblarida va boshqa Kontentda xizmat xodimlari, mijozlar va foydalanuvchilarning shaxsiyatiga tegadigan haqoratlar taqiqlanadi. Millatiga, diniy e’tiqodiga, siyosiy qarashlariga, aqliy qobiliyat darajasiga va h.k. belgilarga ko‘ra haqorat qilish va kamsitish mutlaqo man etiladi.
3.16. Tashkilotlar haqida aqliy yoki fiziologik xususiyatlarga ishora qilib, har qanday Kontentda kamsituvchi mazmundagi haqoratli fikrlar bildirish taqiqlanadi.
3.17. Tashkilotning veb-sayti, telefon tarmog’i yoki ilovasining faoliyatini mijoz tajribasi sifatida baholashga faqat xizmat tegishli tarzda (masalan, dispetcherlik xizmatlari, internet-do‘kon, kuryerlik xizmatlari kabi) ko‘rsatilgan hollardagina ruxsat etiladi.
3.18. Agar telefon orqali tashkilotning xizmat yoki mahsulotlarini olish bilan bog‘liq masalalar yuzasidan tashkilot xodimidan maslahat olingan bo‘lsa, telefon suhbatini baholashga ruxsat beriladi.
3.19. Sharhlarda pasportlarning nusxalari, tibbiy kartalardan olingan ma’lumotlar hamda mijoz va tashkilot xodimlarining boshqa shaxsiy ma’lumotlarini e’lon qilish taqiqlanadi.
3.20. Sharhlarda tashkilot vakillarining F.I.Sh.larini ommaviy axborot manbalaridan olingan bo‘lsa, e’lon qilishga ruxsat beriladi. Sharhlarda, izohlarda yoki sharhlarga javoblarda shaxsiy ma’lumotlar subyektining roziligisiz joylashtirilgan shaxsiy ma’lumotlar aniqlanishi holatida e’lon qilingan Kontentning tekshirilishi ma’lumotlari uning roziligisiz e’lon qilingan shaxsiy ma’lumot subyektining yozma arizasi bo‘yicha amalga oshiriladi. Arizada F.I.Sh., mobil telefon raqami va elektron pochta manzili (yoki pochta manzili) ko‘rsatilishi shart. Ba’zi hollarda, bu ma’lumotlar ariza beruvchining shaxsini tasdiqlash uchun talab qilinishi mumkin. Shaxsiy ma’lumotlarni bloklash/yo‘q qilish yozma arizani ko‘rib chiqish natijalariga ko‘ra hal qilinadi.
Arizani bu yerdan yuklab olishingiz mumkin, arizalarni ko‘rib chiqish inf@2gis.ru elektron manzilida amalga oshiriladi.
3.21. Ma’muriyat kelib chiqishi shubhali bo‘lgan har qanday sharhni tasdiqlashni Foydalanuvchidan so‘rash huquqiga ega. Tasdiqlash sifatida buyurtma raqami, murojaat qilingan sana va vaqt, tashkilotga murojaat tafsilotlari - xizmat olish yoki mahsulot xarid qilish bilan bog‘liq barcha ma’lumotlar taqdim etilishi mumkin.
3.22. Foydalanuvchilar tomonidan bir vaziyat haqida sharhlar chop etilishiga ruxsat beriladi, bunda sharhda tasvirlangan voqealarda har bir foydalanuvchi ishtirok etgan bo‘lishi shart.
3.23. Xizmat ba’zi turdagi tashkilotlarga sharh yozish imkoniyatini bermaydi. Ular orasida shahar hokimiyatlari, sudlar, federal xizmatlar va boshqa davlat idoralariga oid tashkilotlar mavjud. Buning sababi shundaki, foydalanuvchilar davlat xizmatidan foydalanish uchun qaysi tashkilotga murojaat qilishni o‘zlari tanlay olmaydilar (xizmat ko‘rsatish joyi yashash manzili/ro‘yxatdan o‘tish joyi, masalalarning vakolati va ishlarning sudlovliligi asosida belgilanadi). Xizmat ma’muriyati faqat foydalanuvchilar sharhlar asosida tanlay oladigan tashkilotlar (masalan, go‘zallik saloni, do‘konlar, kafe-restoranlar) haqidagi sharhlarni to‘plashga harakat qiladi.
3.24. Geografik obyektlar haqidagi sharhlarda joyga (park, yodgorlik, ko‘cha va h.k.) tashrif buyurish bo‘yicha shaxsiy tajriba, ma’lumotnoma yoki tarixiy ma’lumot, faktlar, voqealar, fikrlar, hazillar va savollar berishga ruxsat etiladi. Bunday obyektlarga berilgan sharhlarda muayyan tashkilotga tashrif buyurish tajribasini tasvirlash taqiqlanadi. 

4. Foydalanuvchi taqdim etadigan Kontentga qo‘yiladigan talablar
4.1 Ushbu bo'lim maqsadlari uchun:
Foydalanuvchilar — quyidagi xizmatlarni litsenziya asosida ko‘rsatuvchi yuridik shaxslar yoki yakka tartibdagi tadbirkorlar:
 — «Internet» axborot-telekommunikatsiya tarmog‘iga kirish imkoniyatini taqdim etish bo‘yicha aloqa xizmatlari va/yoki
 — kabel va (yoki) efir orqali televideniye eshittirish maqsadlarida aloqa xizmatlari va/yoki
 — 3G/4G texnologiyasi bo‘yicha aloqa xizmatlari,
va 2GIS Dasturiy mahsulotlar tashkilotlari ma’lumotnomasining «Internet-provayderlar» rukniga kiritilgan bo‘lishi lozim.
Kontent - Foydalanuvchilar tomonidan ko‘rsatiladigan muayyan xizmatlar hududiga, xususan, Foydalanuvchilarning aloqa tarmoqlari qamrovi doirasidagi binolarga oid ma’lumotlarni o‘z ichiga olgan axborot materiallari bo‘lib, ular matnli, grafik va boshqa turdagi materiallarni qamrab oladi.
4.2 Foydalanuvchi ushbu Talablarda ko‘rsatilgan elektron pochta orqali Kontentni taqdim etganda va/yoki o‘zgartirganda, u 2GIS Dasturiy mahsulotlarida joylashtirish uchun ushbu Talablarning mazmuniga oid talablariga rioya qilgan holda dolzarb, to‘g‘ri va ishonchli Kontent taqdim etishi shart. Shunday qilib, agar bino Foydalanuvchining tarmog‘iga ulangan va uning tomonidan xizmat ko‘rsatilayotgan bo‘lsa, mazkur bino Foydalanuvchining qamrov hududida joylashgan hisoblanadi.
4.3 Foydalanuvchi Ma’muriyatga Kontentni Shaxsiy kabinet yoki Kompaniya Kartochkasi orqali taqdim etadi, ulardan foydalanish Shaxsiy kabinet yoki Kompaniya Kartochkasining funksional imkoniyatlari bilan belgilangan hajmda va shaklda Internet tarmog‘ida http://law.2gis.ru/rules/ manzilida joylashtirilgan 2GIS xizmatlaridan foydalanish to‘g‘risidagi Kelishuv bilan tartibga solinadi.
4.4. Ma’muriyat Foydalanuvchi tomonidan taqdim etilgan Kontentning mazmunini, jumladan Foydalanuvchining qamrov doirasi haqidagi ma’lumotlarning dolzarbligini tekshirish huquqiga ega. Agar bunday tekshiruv davomida Ma’muriyat tomonidan Foydalanuvchining qamrov doirasiga kirmaydigan 2 yoki undan ortiq binolar aniqlansa, ular haqidagi ma’lumotlar Foydalanuvchi tomonidan Foydalanuvchining qamrov doirasiga kiruvchi sifatida taqdim etilgan bo‘lsa, Ma’muriyat Foydalanuvchidan ishonchli Kontentni qayta taqdim etishni so‘rash huquqiga ega. Agar Ma’muriyat bunday talabni elektron pochta orqali yuborgan kundan boshlab 5 (besh) ish kuni ichida Foydalanuvchi yangilangan Kontentni taqdim etmasa, Ma’muriyat ushbu Foydalanuvchi tomonidan taqdim etilgan barcha Kontentni 2GIS Dasturiy mahsulotlaridan olib tashlaydi. Bunday holda, Ma’muriyat Foydalanuvchiga elektron pochta orqali 2GIS dasturiy mahsulotlaridan noto‘g‘ri Kontentning olib tashlanganligi to‘g‘risida xabar yuboradi.
4.5. Foydalanuvchi tomonidan taqdim etilgan Kontent 2GIS dasturiy mahsulotlarida Ma’muriyat o‘z ixtiyoriga ko‘ra belgilagan tartib va shaklda aks ettirilishi mumkin. Foydalanuvchi Kontentini o‘z ichiga olgan 2GIS dasturiy mahsulotlari Ma’muriyat Litsenziya kelishuvi shartlari asosida tarqatiladi.
4.6. Yangilanishlar mavjud bo‘lgan taqdirda, Foydalanuvchi oyiga kamida bir marta Ma’muriyatga dolzarb Kontentni taqdim etish majburiyatini oladi. 4.7-bandida ko‘rsatilgan muddatlarda yangilanishlar bo‘lmasa va/yoki yangilangan Kontent taqdim etilmasa, Ma’muriyat 2GIS mahsulotlariga Foydalanuvchi tomonidan avval taqdim etilgan Kontentni joylashtiradi.
4.7. Foydalanuvchi tomonidan joriy oyning 25-sanasigacha taqdim etilgan Kontent, 2GIS Dasturiy mahsulotlariga bunday Kontent amalda taqdim etilgan oydan keyingi oydan boshlab joylashtiriladi.
4.8. Foydalanuvchi Kontentni joriy oyning 25-sanasidan keyin taqdim etgan taqdirda, Ma’muriyat ushbu Talablarning 4.7-bandiga muvofiq belgilangan Kontent joylashtirilgan oydan keyingi oyda uni 2GIS Dasturiy mahsulotlarida joylashtirish huquqini o‘zida saqlab qoladi.
4.9. Foydalanuvchi istalgan vaqtda  isp@2gis.ru manziliga yozma rad javobini yuborish orqali 2GIS Dasturiy mahsulotlarida qamrov hududini joylashtirishdan voz kechish huquqiga ega. Foydalanuvchi shunday rad etgan taqdirda, uning qamrov hududi qismidagi Foydalanuvchi kontenti ushbu Talablarning 4.7. va 4.8. bandlarida belgilangan muddatlarda 2GIS Dasturiy mahsulotlaridan olib tashlanishi lozim.

5. Bo‘sh ish joylarini e’lon qilishga talablar
5.1. Bo‘sh ish joylari shaklini hamma maydonlarining tarkibi ularning nomlanishiga va mo‘ljallanishiga muvofiq kelishi lozim. Bo‘sh ish joyi tavsifida orfografik va punktuatsion xatolar, shuningdek, asossiz qisqartmalar bo‘lmasligi kerak.
5.2. Bo‘sh ish joyining nomi faqat lavozim nomini saqlashi lozim. Bo‘sh ish joyi nomi bo‘sh ish joyining tavsifiga muvofiq kelishi kerak.
5.3. Bo‘sh ish joyi bitta bo‘sh lavozim haqidagi ishonchli va dolzarb ma’lumotlarni o‘z ichiga olishi kerak.  Bo‘sh ish joyining tavsifi ma’lumot beruvchi bo‘lishi kerak. Ish izlayotganga qo‘yiladigan talablar, lavozim majburiyatlari, ish jadvali hamda ish sharoitlarini ko‘rsatish tavsiya etiladi.
5.4. Bo‘sh ish joyi haqidagi ma’lumot rus tilida yoki xorijiy tilda bo‘lishi, ushbu matnning barchasi esa rus tilida majburiy nusxada ko‘chirilgan bo‘lishi shart.
5.5. Bo‘sh ish joylarini takrorlashga, bir xil bo‘sh ish joylarini qayta e’lon qilishga, shuningdek, uchinchi shaxslar nomidan bo‘sh ish joylarini e’lon qilishga yo‘l qo‘yilmaydi.
5.6. Belgilar bo‘yicha cheklovlar: bo‘sh ish joyi nomlanishi — 2 dan 150 belgigacha; bo‘sh ish joyi tavsifi — 2 dan 2000 belgigacha.

Taqiqlar:
5.7. Bo‘sh ish joylari yoki bo‘sh lavozimlar to‘g‘risidagi, kamsituvchi xususiyatga ega bo‘lgan, ya’ni quyida keltirilgan holatlarga qarab qandaydir bevosita yoki bilvosita huquqlarni cheklash yoki bevosita yoki bilvosita ustunliklar belgilashni ko‘rsatuvchi ma’lumotlarni tarqatish taqiqlanadi:

• jins,
• irq,
• millat,
• til,
• terining rangi,
• kelib chiqishi,
• nogironligi,
• mulkiy, oilaviy, ijtimoiy va lavozim tabaqalari, yosh,
• turar joy,
• dinga bo‘lgan munosabati, e’tiqodlari, jamoat birlashmalariga yoki qandaydir ijtimoiy guruhlarga mansubligi yoki mansub emasligi,  
• xodimlarning ishbilarmonlik sifatlariga bog‘liq bo‘lmagan boshqa holatlar.

Istisno tarzida — bunday cheklovlar yoki ustunliklarni belgilash huquqi yoki majburiyati federal qonunlarda nazarda tutilgan bo‘lsa. 
5.8. Amal qilayotgan qonunchilikni buzishga da’vat qiluvchi, jamiyatga, davlatga va davlat hokimiyati organlariga ochiq-oydin hurmatsizlikni ifoda etuvchi, shuningdek, qonunga xilof, haqoratli, haqoratli, ataylab yolg‘on, qo‘pol yoki odobsiz axborotni e’lon qilish taqiqlanadi.
5.9. Amal qilayotgan qonunchilikka zid bo‘lgan axborotni e’lon qilish taqiqlanadi. Masalan, ish izlovchilarga quyidagi sohalarda ishga joylashish yoki hamkorlikning boshqa shakllarini taklif etish: qimor biznesi, qimor o‘yinlari; moliyaviy piramidalar; diniy sektalar, okkult va ezoterik xizmatlar va boshqalar.
5.10. Bo‘sh ish joyi tavsifida ish izlovchining shaxsiy ma’lumotlarini qayta ishlashga roziligi to‘g‘risidagi matnni joylashtirish taqiqlanadi.
5.11. Bo‘sh ish joyi tavsifida tovarlar va xizmatlar reklamasini joylashtirish taqiqlanadi.

6. Mazkur Talablarning istalgan bandini buzish quyidagi oqibatlarga olib kelishi mumkin:
6.1. Kontentni yashirish (o‘chirish);
6.2. Bunday Kontentni qo‘shgan yoki tarqatgan Foydalanuvchiga Onlayn xizmatlar va/yoki 2GIS Dasturiy mahsulotlaridan foydalanish huquqini cheklash yoki bekor qilish.
Ushbu Talablarni buzganlik uchun choralar Ma’muriyat tomonidan oldindan ogohlantirmasdan, o‘z ixtiyoriga ko‘ra qo‘llaniladi.

17.02.2026 dagi tahrir.